"Рома" ҳозирда "Сассуоло"да тўп сураётган Давиде Фраттезини жамоа қайтариш учун қаттиқ бел боғлаган. La Gazzetta dello Sport нашри хабарига кўра, "бўрилар" ярим ҳимоячи учун яхшиланган таклиф билан чиқишади.

Эслатиб ўтамиз, Фраттези аллақачон Италия терма жамоаси сафида бир неча ўйин ўтказишга муваффақ бўлган, уни бош мураббий Роберто Манчини чақирганди. Аввалроқ футболчининг онаси ўғли билан Римга қайтишни орзу қилишини айтганди.

Фраттеси аввалроқ "Лацио" академиясида ҳам ўйнаганди. "Рома" бош мураббийи Жозе Моуриньо ушбу трансферни амалга оширишни талаб қилмоқда. Ўтган мавсумда Фраттези А Серияда 4 та гол урди ва 3 та голли узатмани амалга оширди.

Аввалроқ, "Рома" Фраттезининг трансфери учун 15 миллион евро таклиф қилгани ҳақида хабар берилганди.