Туриннинг "Ювентус" клуби марказий ҳимоячи Маттейс Де Лигт учун 90-100 миллион евро талаб қилмоқда.

Италиялик журналист Николо Скира ўзининг Twitter саҳифасида ёзишича, Маттейс учун асосий даъвогарлар “Манчестер Юнайтед” ва Лондоннинг “Челси” клублари бўлиб турибди.

2019/20 йилги дебют мавсумида Де Лигт мамлакат чемпионига айланди.

22 ёшли Маттейс де Лигт жорий мавсумда “Ювентус” сафида барча турнирларда 42 та ўйинда майдонга тушиб, 3 та гол урди ва битта голли узатмани амалга оширди.

Transfermarkt портали унинг нархини 70 миллион еврога баҳоламоқда. Ҳимоячининг “кекса синьора” билан шартномаси 2024 йилнинг июнигача тузилган.