Turinning "Yuventus" klubi markaziy himoyachi Matteys De Ligt uchun 90-100 million yevro talab qilmoqda.
Italiyalik jurnalist Nikolo Skira o‘zining Twitter sahifasida yozishicha, Matteys uchun asosiy da’vogarlar “Manchester Yunayted” va Londonning “Chelsi” klublari bo‘lib turibdi.
2019/20 yilgi debyut mavsumida De Ligt mamlakat chempioniga aylandi.
22 yoshli Matteys de Ligt joriy mavsumda “Yuventus” safida barcha turnirlarda 42 ta o‘yinda maydonga tushib, 3 ta gol urdi va bitta golli uzatmani amalga oshirdi.
Transfermarkt portali uning narxini 70 million yevroga baholamoqda. Himoyachining “keksa sinyora” bilan shartnomasi 2024 yilning iyunigacha tuzilgan.
