“Тоттенхэм” клуби “Барселона” ҳимоячиси Клеман Лангле билан шартнома шартлари бўйича тўлиқ келишувга эришди, деб ёзади журналист Фабрицио Романо.
Манбага кўра, 27 ёшли футболчи "шпорлар"га ўтганидан хурсанд. "Тоттенхэм" ва "Барселона" ҳозирда ижара шартномаси тафсилотларини муҳокама қилишмоқда.
2021/22 йилги мавсумда Лангле Каталония клуби сафида 13 та ўйинда майдонга тушиб, 1 та голга ассистентлик қилган. Transfermarkt ҳимоячини 14 миллион еврога баҳоламоқда. Франциялик футболчининг “Барселона” билан шартномаси 2026 йилда якунига етади.
