"Реал Мадрид" раҳбарияти Лука Йович билан ниҳоят хайрлашмоқчи. Олдинроқ мадридликлар футболчини "Фиорентина"га ижарага беришга рози бўлгани ва сербнинг маошини ярмини тўламоқчилиги ҳақида хабар берилганди.
Энди, TMW хабарига кўра, "Реал" "Фиорентина"га ижара таклиф қилган, аммо кейинчалик сотиб олиш мажбурияти билан. Битим суммаси 25 миллион еврони ташкил қилиши керак.
"Фиорентина" ҳали бу ғояга рози бўлгани йўқ, бироқ иккала томон ҳам келишув банд билан ёки бандсиз тез орада якунланишига ишончи комил.
Лука Йович ўтган мавсумда Ла Лиганинг 15 ўйинида атиги 1 та гол урди ва 3 та голли узатмани амалга оширди.
