Англия терма жамоаси сардори, “Тоттенхэм” ҳужумчиси Харри Кейн U-19 терма жамоасини Словакияда бўлиб ўтган Европа чемпионатидаги ғалаба билан табриклади.
"Ажойиб йигитлар. Яхши бажарилган иш. Байрамдан роҳатланинг!”, – деб ёзди Кейн Twitter'даги саҳифасида.
Эслатиб ўтамиз, 1 июль куни Словакиянинг Трнава шаҳридаги "Антон Малатински" стадионида ёшлар (19 ёшгача бўлган футболчилар) ўртасидаги Европа чемпионатининг финал учрашуви бўлиб ўтди. Турнир финалида Исроил ва Англия терма жамоалари тўқнаш келишди. Учрашув Англиянинг 3:1 ҳисобидаги ғалабаси билан якунланди.
