"Интер" "Кальяри" ҳимоячиси Раул Беллановани ижарага олади, дея хабар беради Calciomercato.

Манбага кўра, "нерадзуррилар" 22 ёшли италияликнинг ижараси учун 3 миллион евро тўлайди. Шунингдек, “Интер” футболчини 5 миллион еврога сотиб олиш ҳуқуқига эга бўлади.

Футболчи 4 июль, душанба куни тиббий кўрикдан ўтиши режалаштирилган.

2021/22 йилги мавсумда Белланова “Кальяри” сафида 31 та ўйинда майдонга тушиб, 1 та гол урди ва 2 та голли узатмани амалга оширди. Transfermarkt.com портали ҳимоячининг нархини 7 миллион еврога баҳоламоқда.

Эслатиб ўтамиз, Белланова “Милан” тарбияланувчиси ҳисобланади.