Бугун Фарғона футбол ассоциацияси биносида вилоят футбол ассоциацияси президенти Хайрулло Бозоров бошчилигида йиғилиш бўлиб ўтди. Йиғилишда жамоанинг раҳбарияти ва мураббийлар штабида фаолият олиб борган мутахассислар ва клуб раҳбариятида ўзгаришлар рўй берди. Жамоа бош мураббийи лавозимида ишлаб келган, Илҳом Мўминжоновнинг истеъфосидан сўнг унинг ўрнига Тожикистонда туғилган Виталий Левченко бош мураббий сифатида фаолият олиб боради.
Илҳом Мўминжоновнинг ўрнини эгаллаган мутахассис ўтган мавсумда "Истиқлол" билан ОЧЛда "Ал Ҳилол"ни тор-мор этиб, 1/8 финалгача етиб борган.
Шу билан бир қаторда клуб раислигида ишлаб келган Зоҳиджон Ғофуров ўрнига Мўсинҳожи Меҳмонов клуб раиси этиб тайинланди.
Шунингдек, клуб матбуот хизмати раҳбари этиб Саидабзал Абдуллаев тайинланди.
Йиғилишда бир қатор масалалар кўриб чиқилиб, клубни ривожлантириш борасида топшириқлар берилди.
Батафсил маълумотлар кейинроқ берилади.
