"Болонья" ҳужумчиси Марко Арнаутович "Ювентус"нинг асосий трансфер мақсадларидан бири ҳисобланади. Журналист Николо Скира хабарига кўра, "Ювентус" бош мураббийи Массимилиано Аллегри футболчини сотиб олишни талаб қилмоқда.
"Болонья" 33 ёшли австрияликни сотишга тайёр, бироқ у учун 15 миллион евро талаб қилмоқда.
Арнаутович ўтган мавсумда барча турнирларда 34 та ўйин ўтказиб, 15 та гол ва 1 та голли узатмани амалга оширди.
Ҳужумчининг "Болонья" билан шартномаси 2024 йилгача мўлжалланган. Шартномада келишувни яна бир мавсумга узайтириш имконияти ҳам мавжуд.
