Кеча Қарши шаҳридаги "Насаф" марказий стадионида Олий лига қолдирилган 3-тур учрашуви бўлиб  утди. Унда "Насаф" бош мураббийи У.Тошев бошчилигида жамоамиз бу йилги мавсумда илк марта мағлубиятга учради. Ушбу ўйиндан сўнг мураббийлар иштирокида матбуот анжумани бўлиб утди.

Дастлаб меҳмонлар Устози Юрий Саркисян юқори кайфиятда кириб келди, учрашув ҳақида фикр билдирмасдан журналистларга мурожаат қилди:

— Яхшиси савол беринглар, жавоб бераман.

— Охирги сафар "Нефтчи" "Насаф"ни Қаршида мағлуб этган 2008 йилда ҳам айнан Усмон Тошев мураббий эди. Бугун ҳам Тошев бошчилигида "Насаф" ўз майдонида "Нефтчи"га ютқазди. Буни қандай изоҳлайсиз?
— Эскиларни бир гапи бор эди: "Сут билан кирган, жон билан чиқади"! (кулиб)

— Анвар Бердиев ва Мансур Саидов нега захирада ҳам йўқ? Дарвозабонингиз ҳақида фикрингиз?
— Бердиев билан Саидов терма кўригидан яқинда қайтишди. Бироз толиқишган. Енгилроқ жароҳати ҳам бор. Турдиалиев жароҳатидан яқинда қутилди. Кўриб турибмиз, бугунги ўйинда жуда аъло тарзда ҳаракат қилди.

— Ниманинг ҳисобига “Нефтчи” бугун ғалаба қозонди?
— "Нефтчи" 2 та гол урди, "Насаф" эса битта гол урди! Жуда оддий савол. Маълумотинг қанақа?!

— Жорий мавсумда жамоангиз олдига қандай вазифа қўйилган?
— Умумий вазифа қўйилмаган. Бироқ ҳар бир ўйинга алоҳида тайёргарлик кўрамиз ва ғалаба учун майдонга тушамиз. Қолгани майдонда ҳал бўлади.