Украина терма жамоаси бош мураббийи Олег Блохин Туркия терма жамоасига қарши учрашувдан (0:2) кейин терма жамоанинг бир йўла 10 нафар футболчиси заҳарланганини таъкидлаб ўтди.
"Учрашувдан кейин 10 нафар футболчимиз заҳарланди. Қандай деб мендан сўраяпсизми? Мен бу заҳарланиш сабабларини билмайман. Бу Германиядалигимизда бошланган. Ким заҳарланган бўлса, бунга турлича, овқатланиши сабаб бўлган. Фаолиятим давомида бундай ҳолатларни кўрмаганман. Битта-иккита футболчи бўлиши мумкин, лекин ўнта эмас", дейди мураббий.
Маълумотларга кўра, футболчилар орасида Тимошук, Воронин, Михалик, Гармаш, Бутко, Селин каби футболчилар заҳарланган.