«Тоттенҳэм» ярим ҳимоячиси Сон Ҳён Мин ўзига нисбатан ирқчилик кайфиятидаги ҳақоратлар ҳақида гапириб ўтди.

Жанубий Кореялик футболчи 2008 йилда «Гамбург» сафида, 2013 йилдан 2015 йилга қадар «Байер»да ўйнаган.

"Германияга кўчиб ўтганимда жуда ёш эдим. У ерда жуда қийин ва тасаввур қилиб бўлмайдиган воқеаларни бошдан кечирдим.

Мен ирқчиликка дуч келдим. Оғир дамларни бошимдан ўтказаётганимда, кун келиб қасос олиш ҳақида кўп ўйлардим.

Одатда, одамлар йиғлаганда, уларни юпатишни, қучоқлашни хоҳлайман. Аммо немисларнинг йиғисига қараб, ўзимга ёққан нарса орқали қасос олишга қодир эканлигимни ҳис қилдим", — деди Сон Ҳён Мин.

2018 йилги Жаҳон Чемпионатида гуруҳ босқичининг сўнгги турида Жанубий Корея Германияни 2:0 ҳисобида мағлуб этган. Немислар плей-офф йўлланмасини қўлга кирита олмаган. Сон ўша ўйинда иккинчи гол муаллифига айланган.