Англиянинг “Ньюкасл” клуби “Эвертон” ярим ҳимоячиси Энтони Гордонни сотиб олмоқчи. Sky Sports хабарига кўра, "Ньюкасл" Гордоннинг нархи борасида ливерпулликларга сўровнома юборишди.
21 ёшли англиялик футболчи ўтган мавсумда Англия Премьер-лигасининг кашфиётларидан бири бўлди. Турнирдаги дебют мавсумида ёш ярим ҳимоячи тўртта гол урди ва иккита голли узатмани амалга оширди. Аввалроқ футболчи "Престон" клуби сафида Чемпионшипда ҳам ўйнаган.
Эслатиб ўтамиз, "Ньюкасл" ушбу трансфер ойнасида аллақачон учта ўйинчини сотиб олган - "Бёрнли"дан Ник Поупа, "Астон Вилла"дан Мэтт Таргет ва Франциянинг "Лилль" клубидан Свен Ботман.