"Арсенал" клуби ижрочи директори Иван Газидиснинг маълум қилишича, "Кёльн" ҳужумчиси Лукас Подольски харидидан бошқа харидлар бўлмаслиги мумкин.
Илгари маълум бўлганидек, апрель ойининг охирларида "канонирлар" 10,9 миллион фунт эвазига Германия термаси ўйинчисини ўз сафларига қўшиб қўйгандилар. Бу харидни Газидис "ҳал қилувчи" деб атамоқда. Сонга эмас, сифатга эътибор қаратишни кўзлаган "канонирлар" бошқа янги футболчиларни қўшиб олишга шошилмаяптилар.
"Ўйлайманки, ушбу ёзда янги мавсум учун Чемпионлар лигасидаги қатнашувимизга ойдинлик киритилади. Биз Лукас Подольскини эртароқ сотиб олмоқчи эдик. Бизнинг мухлисларимиз Евро-2012да унинг ўйинларини кузатиш имкониятига эга бўладилар ва унинг яхши ўйинчи эканлигига ишонч ҳосил қиладилар", - дея Газидиснинг сўзларини келтиради The Guardian.
