"ПСЖ"да мураббийлар штаби ўзгариб, клуб таркибни янгилаш йўлини танлаганидан сўнг, ҳимоячи Серхио Рамос "Реал"га қайтиши мумкинлиги ҳақида маълумотлар пайдо бўла бошлади.
Бироқ, испан нашрларининг ёзишича, мадридликлар 36 ёшли фахрий ҳимоячини қайтаришдан манфаатдор эмас. Мадриднинг "Реал" клуби жорий мавсумда Антонио Рюдигер билан шартнома имзолади ва "ПСЖ" ҳимоячиси учун ўз таркибида ўрин йўқ.
Бошқа томондан, парижликлар клубининг янги мураббийлар штаби ҳали испаниялик ҳимоячининг келажаги ҳақида ҳеч қандай баёнот бермади.
Рамос "Реал"да 16 йил ўтказди. Мадрид клуби учун 671 та ўйинда у 101 та гол урган ва 40 та голга ассистентлик қилган.
