"Спартак"нинг собиқ ҳужумчиси Жордан Ларссон фаолиятини Шотландия чемпионатида давом эттириши мумкин.
25 ёшли футболчининг хизматларига "Селтик" қизиқиш билдирмоқда, деб хабар беради РБ Спорт.
Манбага кўра, аввалроқ Бундеслига ва А Серия клублари футболчини ўз сафига қўшиб олмоқчи бўлган бўлса, эндиликда Швецияда Ларссонга номзодлар орасида "Селтик" бор. Жорданнинг отаси, Шотландия клубида ўйнаган Хенрик Ларссон футболчининг "Селтик"га ўтишига ҳисса қўшиши мумкин.
Эслатиб ўтамиз, шу йилнинг апрель ойида Ларссон «Спартак»дан Швециянинг АИК клубига ижара асосида ўтган эди. 27 июнь куни Москва клуби футболчи билан шартномани бекор қилганини малум қилди.
