"Фенербахче" ҳужумчи Эдинсон Каванини сотиб олиш борасида музокаралар олиб бормоқда.
Фотомак хабарига кўра, футболчига жамоа бош мураббийи Жорже Жезуш қизиқиш билдирмоқда.
Футболчининг менежери ва ўгай укаси Вальтер Гиллелмоне музокаралар учун Истанбулга етиб келди. Каванининг ўзи музокаралар натижасини кутмоқда. Туркия клуби уругвайлик футболчига яхши шартнома таклиф қилишга тайёр.
35 ёшли собиқ "МЮ" ўтган мавсумда АПЛнинг 15 ўйинида иккита гол урди ва битта голли узатмани амалга оширди. У жамоани эркин агент сифатида тарк этди.