"Торино" ҳимоячиси Глэйсон Бремер Италиянинг бир клубидан бошқасига ўтиши мумкин. 25 ёшли футболчига "Интер" қизиқиш билдирмоқда. Бу ҳақда журналист Фабрицио Романо хабар бермоқда.
Манбага кўра, бразилиялик "нерадзуррилар"нинг асосий трансфер мақсади ҳисобланади. Миланликлар ва туринликлар музокара олиб боришди. "Торино" ҳимоячини 40 миллион еврога баҳоламоқда.
Бремер ўтган мавсумда А Серияда 33 та ўйинда майдонга тушиб, 3 та гол урди ва 1 та голли узатмани амалга оширди ва чемпионатнинг энг яхши ҳимоячиси бўлди.
