"Torino" himoyachisi Gleyson Bremer Italiyaning bir klubidan boshqasiga o‘tishi mumkin. 25 yoshli futbolchiga "Inter" qiziqish bildirmoqda. Bu haqda jurnalist Fabrisio Romano xabar bermoqda.
Manbaga ko‘ra, braziliyalik "neradzurrilar"ning asosiy transfer maqsadi hisoblanadi. Milanliklar va turinliklar muzokara olib borishdi. "Torino" himoyachini 40 million yevroga baholamoqda.
Bremer o‘tgan mavsumda A Seriyada 33 ta o‘yinda maydonga tushib, 3 ta gol urdi va 1 ta golli uzatmani amalga oshirdi va chempionatning eng yaxshi himoyachisi bo‘ldi.