Каталониянинг “Барселона” клуби ҳимоячиси Клеман Лангле Лондоннинг “Тоттенхэм” клубида тиббий кўрикдан ўтди.
Бу ҳақда италиялик журналист Фабрицио Романо ўзининг ижтимоий тармоқларида маълум қилди.
Келишув яқин орада расман эълон қилиниши кутилмоқда. Эслатиб ўтамиз, "шпорлар" франциялик футболчини сотиб олиш ҳуқуқисиз ижарага олишади.
Лангле "Тоттенхэм"нинг ушбу трансфер ойнасида бешинчи хариди бўлади. Аввалроқ клуб Биссума, Ришарлисон, Форстер ва Перишични сотиб олганди.