"Арсенал"нинг янги аъзоси, "Манчестер Сити"дан Лондон клубига ўтган Габриэл Жезус "канонирлар"даги роли ҳақида гапирди.
"Мен "Арсенал"да супер юлдуз бўлишни хоҳламайман. Мен шунчаки футбол ўйнашни, майдонга чиқишни ва жамоадошларимга ёрдам беришни, оила аъзоси бўлишни хоҳлайман.
Биз нима қилсак, биргаликда қилишимиз керак. Ҳаммасини. Майдон ташқарисида ва унинг устида. Мен бу ерда ёлғиз бўлиш учун эмас, ёрдам бериш, бу болалар билан бирга ўрганиш ва биргаликда ғалаба қозониш учун келдим”, — деди Жезус Sky Sports телеканалига.
