Аргентиналик ярим ҳимоячи Жовани Ло Чельсо “Тоттенхэм”ни тарк этишга яқин турибди.
Инглиз клуби матбуот хизмати хабар беришича, футболчи жамоанинг мавсумолди сафари учун аризасига киритилмаган.
Ярим ҳимоячи фаолиятини Испания чемпионатида давом эттириши кутилмоқда. Ло Чельсога "Вильярреал" қизиқиш билдирмоқда.
"Сариқ сувости кемаси" раҳбарияти 20 миллион евро эвазига футболчининг тўлиқ трансферини ташкил қилишни кутмоқда.
Жовани ўтган мавсумда "Вильярреал"да ижара асосида ўйнаганди. Аргентиналик футболчи 22 та ўйинда қатнашиб, битта гол ва битта голли узатмага муаллифлик қилган.
