"Манчестер Юнайтед" ярим ҳимоячиси Андреас Перейра "Фулхэм"га ўтди, дея хабар беради клуб расмий сайти.

26 ёшли бразилиялик футболчи яна 12 ойга узайтириш имконияти билан 4 йиллик (2026 йилнинг ёзигача) шартнома имзолади.

Шартноманинг молиявий шартлари ошкор этилмади, бироқ инсайдер Фабрицио Романонинг сўзларига кўра, келишув 10 миллион фунт стерлинг ва бонуслар сифатида 3 миллион фунт стерлингни ташкил қилган.

Перейра "Манчестер Юнайтед" академиясига 2011 йилда кўчиб ўтган, бразилиялик "Манчестер Юнайтед"нинг асосий жамоасида 75 та ўйин ўтказган. Ярим ҳимоячи ижара асосида "Гранада", "Валенсия", "Лацио" ва "Фламенго" сафида ҳаракат қилган.