"Монца" "Наполи" ҳужумчиси Андреа Петаньяни ўз сафига қўшиб олмоқчи, деб ёзмоқда журналист Николо Скира ўзининг Twitter саҳифасида.
А Серияда дебют мавсумини ўтказадиган жамоа неаполликларга ўйинчи ижараси учун 3 миллион таклиф қилмоқда. Бундан ташқари, "Монца" агар клуб Италия чемпионати олий дивизионида қолса, футболчини 10 миллион еврога сотиб олиш ҳуқуқини қўлга киритмоқчи.
Ўтган мавсумда Петанья 32 та ўйин ўтказиб, 4 та гол урди ва 5 та голли узатмани амалга оширди. 27 ёшли италияликнинг "Наполи" билан шартномаси 2024 йилнинг июнигача амал қилади.
