"Челси" ярим ҳимоячиси Жоржиньо жамоани тарк этиш нияти йўқлигини айтди.
“Мен “Челси”да ўзимни ажойиб ҳис қиляпман. Албатта, қолишни хоҳлайман. Ҳозир клубдаман, шартномам бор, ҳаммаси менга мос. Мен кетиш ҳақида ўйламайман.
"Челси"ни тарк этишим ҳақидаги миш-мишлар ҳар йили тез-тез учраб туради. Менга ёқмади. Мен бор эътиборимни “Челси”га қаратганман, барча фикрларим фақат шу жамоа ҳақида”, - деди Жоргиньо Football.london нашрига берган интервьюсида.
Ярим ҳимоячи 2018 йилнинг июлидан буён “Челси”да ҳаракат қилади. Ўтган мавсумда 30 ёшли италиялик барча турнирларда жамоаси сафида 47 та ўйинда майдонга тушиб, 9 та гол урди ва 4 та голли узатмани амалга оширди.