Арманистонлик ярим ҳимоячи Генрих Мхитарян Миланнинг “Интер” клубида 22-рақамли либосда ўйнайди, деб хабар берди Италия клуби матбуот хизмати Twitter саҳифасида.
“Интер” 1 июль куни 33 ёшли Мхитарян билан шартнома имзолаганини эълон қилди. Генрих билан келишув икки мавсумга амал қилади.
Аввалроқ Мхитарян "Рома" футболчиси бўлган, у 2019 йилдан буён римликлар шарафини ҳимоя қилиб келаётган эди. "Бўрилар" сафида ярим ҳимоячи 117 ўйинда 29 та гол урди ва 28 та голли узатмани амалга оширди. У жамоа билан биргаликда биринчи Конференциялар лигасида ғолиб чиқди.
