"Барселона" президенти Жоан Лапорта клуб ҳужумчи Усмон Дембеле билан янги шартнома имзолашини тасдиқлади.
Лапорта шунингдек, яқин вақт ичида клуб жамоага янги келган ҳужумчи Рафиньяни ҳам таништиришини айтди. Бугун, 13 июль куни клуб трансфер бўйича принсипиал келишувни эълон қилди
"Ҳа, бу ҳафта биз Рафинья ва Дембеле билан шартнома имзолаймиз ва улар иштирокида тақдимот ўтказамиз", - дея Лапорта сўзларини келтирган журналист Фабрицио Романо.
Бугун, 13 июль куни 25 ёшли Дембеле тиббий кўрикдан муваффақиятли ўтгани ва "Барселона" билан 2 йиллик шартнома имзолаши ҳақида хабар берилганди.
Дембеле 2017 йилнинг августида Дортмунднинг "Боруссия"сидан "Барселона"га ўтган эди. 1 июль куни футболчининг испан клуби билан шартномаси ниҳоясига етди, футболчи эркин агентга айланди.
