Охирги ҳафталарда матбуот Неймарнинг «ПСЖ»ни тарк этиши мумкинлигини муҳокама қилмоқда.
Миш-мишларга кўра, Париж клуби раҳбарлари мос таклиф тушган тақдирда бразилияликни қўйиб юборишга қарши эмас. Бироқ Неймар Парижни тарк этиш ҳақида ўйламаяпти.
Goal.com хабарига кўра, Неймар 2022 йилги жаҳон чемпионатига эътибор қаратгани учун ҳозирда "ПСЖ"ни тарк этиш ҳақида ўйламаяпти.
Бразилиялик ҳужумчи жаҳон чемпионатига энг яхши ҳолатда яқинлашишни кутмоқда ва энди у клубни ўзгартириши мумкин бўлган муаммолар билан чалғишни истамаяпти.
Қатардаги жаҳон чемпионати ноябрь-декабрь ойларида бўлиб ўтади. Бразилия Сербия, Швейцария ва Камерун билан бир гуруҳдан жой олган.
