Мадриднинг “Реал” клуби ярим ҳимоячи Дани Себальос билан хайрлашишга тайёр, бироқ ҳозирча футболчи бўйича таклифлар йўқ.
Аурелиен Тчуамени сотиб олинганидан сўнг, Себальоснинг "Реал Мадрид"даги истиқболлари янада ёмонлашди.
Мадридликлар футболчининг нархини 12-15 миллион еврога пасайтиришга тайёр, аммо ҳозирча ҳеч ким ўйинчини сотиб олиш фикрини билдирмаган.
25 ёшли ярим ҳимоячи "Реал" бош мураббийи Карло Анчелотти билан вазиятни муҳокама қилиши кутилмоқда. Агар Себальос Мадридда қолса, бош мураббий унга кўпроқ дақиқа таклиф қилишга тайёр.
Футболчи ўтган мавсумда Ла Лигада 11 ўйин ўтказиб, гол ура олмади.