"ПСЖ" ҳужумчиси Лионель Месси ноябрдан декабрьгача Қатарда бўлиб ўтадиган жаҳон чемпионати якунида келажагини ҳал қилади. "ПСЖ" ҳозирда аргентиналик футболчига 2024 йилгача янги шартнома таклиф қилишга тайёр, бироқ футболчи рози бўлишга шошилмаяпти.

"ПСЖ" учун биринчи мавсумда Месси Франция чемпионатида атиги 6 та гол урди ва фаолиятидаги энг ёмон рақамларни келтирди. Бироқ яқинда берган интервьюсида аргентиналик футболчи кейинги мавсумда бошқача бўлишини айтди.

Аввалроқ Месси "Барселона"га қайтиши мумкинлиги ҳақида хабарлар тарқалган эди, аммо ҳозирча бу Каталония клубининг беқарор молиявий аҳволи туфайли мумкин эмас.