"Челси" хўжайини Тодд Бёли сенегаллик ҳимоячи Калиду Кулибалининг трансфери ҳақида фикр билдирди.

Эслатиб ўтамиз, бугун Лондон клуби "Наполи"дан 31 ёшли футболчи трансферини расман эълон қилди. Футболчи "Челси" билан яна бир йилга узайтирилиши мумкин бўлган тўрт йиллик шартнома тузди ва трансфер суммаси тахминан 40 миллион еврони ташкил қилди.

“Калиду Кулибали дунёдаги кам сонли элит ҳимоячиларидан бири. Кийиниш хонасида етакчи ва бой тажриба ҳамда сифатларга эга бўлган намунали ўйинчи, бу бизнинг жамоамиз ва бутун клуб учун фойда келтиради", - деди Бёли "Челси" расмий сайтига.

Ўтган мавсумда Кулибали неаполликлар сафида 34 та ўйинда майдонга тушиб, 3 та гол урди ва 3 та голли узатмага муаллифлик қилди.