Грузиялик ярим ҳимоячи Хвича Кварацхелия "Наполи"га ўтди ва у ерда "Кварадона" деган лақабни олди. Кварацхелиянинг таъкидлашича, у "Наполи"нинг таклифидан жуда мамнун ва Неаполга кўчиб ўтиш учун бошқа таклифларни рад этган.
"Бу "Наполи"да ўйнаш учун катта рағбат. Бу катта клуб. Менда бошқа таклифлар ҳам бўлганди, лекин “Наполи”дан таклиф келганида, бошқа таклифларни кўриб чиқишни тўхтатдим. Мамлакатимда одамлар Италияда ўйнаганимдан жуда фахрланишади. Ўсиб бораётган грузин ёшлари учун муносиб ўрнак бўламан деган умиддаман", - деди футболчи La Gazzetta Dello Sport билан суҳбатда.
“Наполи” Италия чемпионатининг янги мавсумидаги илк ўйинини 15 август куни “Верона”га қарши ўтказади.
