Туриннинг "Ювентус" клуби ҳозирда "Атлетико" таркибида тўп сураётган испаниялик ҳужумчи Альваро Моратани ўз таркибига қайтариш фикридан қайтгани йўқ. "Ювентус" бош мураббийи Массимилиано Аллегри уни ўз клубида кўришни жуда хоҳламоқда. Мората "Ювентус"да ижара асосида ўйнади, аммо туринликлар уни 35 миллионга сотиб олишни истамади.

Мората Испанияга қайтишга мажбур бўлди, аммо энди "Ювентус" ўз фикрини ўзгартирган кўринади, деб хабар беради Испаниянинг Спорт нашри. Аллегри Турин грандининг асосий ҳужумчиси Душан Влаховичга муқобил ўринбосар керак, деб ҳисоблайди ва Моратани энг яхши вариант деб ҳисобламоқда.