Turinning "Yuventus" klubi hozirda "Atletiko" tarkibida to‘p surayotgan ispaniyalik hujumchi Alvaro Moratani o‘z tarkibiga qaytarish fikridan qaytgani yo‘q. "Yuventus" bosh murabbiyi Massimiliano Allegri uni o‘z klubida ko‘rishni juda xohlamoqda. Morata "Yuventus"da ijara asosida o‘ynadi, ammo turinliklar uni 35 millionga sotib olishni istamadi.
Morata Ispaniyaga qaytishga majbur bo‘ldi, ammo endi "Yuventus" o‘z fikrini o‘zgartirgan ko‘rinadi, deb xabar beradi Ispaniyaning Sport nashri. Allegri Turin grandining asosiy hujumchisi Dushan Vlaxovichga muqobil o‘rinbosar kerak, deb hisoblaydi va Moratani eng yaxshi variant deb hisoblamoqda.
