«Бунёдкор» Минск йиғини доирасида илк синов-назорат баҳси ўтказди.

Беларусь олий лигаси пешқадамларидан бири «Энергетик БГУ»га қарши баҳснинг бўлимлари икки хил кўриниш олди. Биринчи бўлимда жамоамиз ўзига ўхшамади. Бундан фойдаланган рақиб Иля Гришенконинг дубли эвазига ҳисобда олдинга чиқиб олди.

Танаффусдан сўнг жамоалар таркибни деярли тўлиқ ўзгартирди. Бу ўзгаришлар «Бунёдкор»нинг ўйинига ижобий таъсир қилди, устунлик тўлиқ «қалдирғочларимиз» тарафига ўтди. Рақиб иккинчи бўлимда марказдан ўтишда ҳам қийинчиликка дуч келди. Мезбонлар дарвозаси олдида жуда кўп хавфли вазиятлар юзага келтирилди, аммо фақат икки мартагина гол ура олдик. Аввалига Умарали Раҳмоналиев жарима зарбасини суперголга айлантирган бўлса, сўнг Жасур Ҳакимов ўзига нисбатан ишлатилган қўполлик учун белгиланган пенальтидан унумли фойдаланди.

Назорат учрашуви
«БУНЁДКОР» - «ЭНЕРГЕТИК БГУ» (Беларус) – 2:2
«Бунёдкор»: Суҳроб Султонов, Маҳмуд Маҳамаджонов, Даврон Эргашев, Аваз Ўлмасалиев, Муҳаммадодил Қаҳрамонов, Расул Йўлдошев, Дмитрий Побулич, Ғайрат Азизхўжаев, Францис Нарх, Ҳусайн Эргашбоев, Иброҳим Томива.
Захирадан тушганлар: Зафар Сафаев, Фарҳод Мираҳматов, Сардор Хурсандов, Музаффар Олимжонов, Билол Туплиев, Муҳаммадсафо Фозилов, Умарали Раҳмоналиев, Жасур Ҳакимов, Усмонали Исмоналиев.
«Энергетик БГУ»: Денис Селедцов, Алексей Лаврик, Иля Лукашевиц, Роман Папарига, Ярослав Макушинский, Шоҳруҳ Абдураҳмонов, Максим Кунский, Данил Силинский, Иля Грищенко, Павел Пашевич, Артём Турич.
Голлар: Иля Грищенко, 12 - 0:1. Иля Грищенко, 20 - 0:2. Умарали Раҳмоналиев, 58 - 1:2. Жасур Ҳакимов, 88-пенальтидан - 2:2.