"Ювентус" "Рома"га вингер Николо Дзаньоло бўйича Рим клубига мос келадиган таклиф билан чиқа олмайди, деб хабар беради Football Italia Correira Dello Sport нашрига таяниб.
Туринликлар "бўрилар" олмоқчи бўлган 50 миллион еврони тўлай олмайди. Футболчи алмашиш таклифлари ҳам "Рома"га мос келмади.
Дзаньолонинг ўзи Италиядан кетишни истамаяпти, шунинг учун уни "Тоттенхэм" таклифи қизиқтирмаяпти. Унинг Рим клубида қолиши эҳтимоли катта.
Жозе Моуриньо ва жамоа сардори Лоренцо Пеллегрини Николо билан боғланиб, Пауло Дибала "Рома"га ўтган тақдирда ҳам у асосий таркибда қолишини айтишди.
Катта эҳтимол билан "бўрилар" яқин вақт ичида Дзаньоло билан шартномани узайтириш бўйича музокараларни қайта бошлашади. Унинг маоши мавсумда 2,5 дан 4 миллион еврога кўтарилиши мумкин.
