"Yuventus" "Roma"ga vinger Nikolo Dzanyolo bo‘yicha Rim klubiga mos keladigan taklif bilan chiqa olmaydi, deb xabar beradi Football Italia Correira Dello Sport nashriga tayanib.
Turinliklar "bo‘rilar" olmoqchi bo‘lgan 50 million yevroni to‘lay olmaydi. Futbolchi almashish takliflari ham "Roma"ga mos kelmadi.
Dzanyoloning o‘zi Italiyadan ketishni istamayapti, shuning uchun uni "Tottenxem" taklifi qiziqtirmayapti. Uning Rim klubida qolishi ehtimoli katta.
Joze Mourinyo va jamoa sardori Lorenso Pellegrini Nikolo bilan bog‘lanib, Paulo Dibala "Roma"ga o‘tgan taqdirda ham u asosiy tarkibda qolishini aytishdi.
Katta ehtimol bilan "bo‘rilar" yaqin vaqt ichida Dzanyolo bilan shartnomani uzaytirish bo‘yicha muzokaralarni qayta boshlashadi. Uning maoshi mavsumda 2,5 dan 4 million yevroga ko‘tarilishi mumkin.
