"Манчестер Сити"нинг ҳужумкор ярим ҳимоячиси Бернарду Силва "Барселона"да ўйнашни истамоқда.
Каталония клуби 27 ёшли португалияликнинг трансферини идеал деб ҳисобламоқда, аммо бу ёзда келишувни якунлаш ниҳоятда қийин бўлади.
Маълумотларга кўра, футболчининг ўзи бу трансферга жуда қизиқмоқда. Хабарларга кўра, Силва аллақачон "Барселона"нинг қизиқишини Пеп Гвардиола билан муҳокама қилган ва мураббийдан имконият туғилса, трансферга аралашмасликни сўраган.
Бернарду Силванинг "Манчестер Сити" билан шартномаси 2025 йилнинг ёзига қадар мўлжалланган.