"Реал" ярим ҳимоячиси Такефуса Кубо "Реал Сосьедад"га ўтишга яқин турибди, деб хабар беради Marca.
21 ёшли япониялик футболчи 2027 йилгача мўлжалланган шартнома билан “Реал Сосьедад”га ўтишни режалаштирган, бироқ “Реал Мадрид” футболчига бўлган ҳуқуқларнинг 50 фоизини ўзида сақлаб қолади. Мадрид клуби ярим ҳимоячининг келажакдаги ҳар қандай сотувининг 50 фоизини олишни режалаштирмоқда. Шунингдек, кейинги беш мавсумда мадридликлар уни қайтариб сотиб олиш имкониятига эга бўлади.
Кубо ўтган мавсумда "Мальорка"да ижара асосида ўйнаганди. Ярим ҳимоячи испан клуби сафида барча турнирлар доирасида 30 та ўйинда майдонга тушиб, 2 та гол урди ва 2 та голли узатмани амалга оширди.
