Ҳужумчи Пауло Дибала бир шарт билан "Рома" билан шартнома имзолашга рози бўлди.

Calciomercato хабарига кўра, 28 ёшли аргентиналик футболчи римликлар раҳбариятидан шахсий шартномасига 20 миллион евро миқдорида сотиб олиш бандини киритишни сўрамоқда. Шу боис футболчининг жамоаси “Рома” келаси мавсумда Чемпионлар лигасига йўлланмани қўлга кирита олмаган тақдирда, вазиятдан чиқиш йўлини топмоқчи.

Олдинроқ Дибала "жаларосси" билан 2025 йилгача мўлжалланган шартномани бир мавсумга узайтириш мумкинлиги ҳақида келишиб олгани хабар қилинганди.

Туриннинг "Ювентус" клуби билан шартномани узайтириш борасида келиша олмаган ҳужумчи бир ойдан бери эркин агент мақомида.

Ўтган мавсумда ҳужумчи туринликлар сафида 39та ўйинда майдонга тушиб, 15та гол урди ва 6та голли узатмани амалга оширди.