Hujumchi Paulo Dibala bir shart bilan "Roma" bilan shartnoma imzolashga rozi bo‘ldi.
Calciomercato xabariga ko‘ra, 28 yoshli argentinalik futbolchi rimliklar rahbariyatidan shaxsiy shartnomasiga 20 million yevro miqdorida sotib olish bandini kiritishni so‘ramoqda. Shu bois futbolchining jamoasi “Roma” kelasi mavsumda Chempionlar ligasiga yo‘llanmani qo‘lga kirita olmagan taqdirda, vaziyatdan chiqish yo‘lini topmoqchi.
Oldinroq Dibala "jalarossi" bilan 2025 yilgacha mo‘ljallangan shartnomani bir mavsumga uzaytirish mumkinligi haqida kelishib olgani xabar qilingandi.
Turinning "Yuventus" klubi bilan shartnomani uzaytirish borasida kelisha olmagan hujumchi bir oydan beri erkin agent maqomida.
O‘tgan mavsumda hujumchi turinliklar safida 39ta o‘yinda maydonga tushib, 15ta gol urdi va 6ta golli uzatmani amalga oshirdi.