Испаниялик ҳимоячи Пау Торресга трансфер бозорида харидор кўпайиб бормоқда. Инсайдер Флориан Плеттенбергнинг сўзларига кўра, футболчига Европанинг учта гиганти қизиқиш билдирмоқда.
Торреснинг трансфери бўйича "сариқ сув ости кемаси" билан музокараларни Лондоннинг "Челси", "Манчестер Сити" ва Туриннинг "Ювентус" клублари олиб бормоқда. Потенциал харидор испанияликнинг трансфери учун тахминан 55 миллион евро тўлаши керак бўлади.
25 ёшли марказий ҳимоячи ўтган мавсумда Ла Лигада 33 та ўйинда майдонга тушди. Торрес ҳисобида бешта гол ва битта голли узатма бор. Унда 5 та сариқ карточка ҳам бор.
