"Милан" "Барселона" ярим ҳимоячиси Миралем Пьянични ўз сафига қўшиб олмоқчи, дея хабар беради Football Espana нашри.
32 ёшли босниялик футболчи каталонияликларнинг асосий таркибидан жой ололмади. Шу сабабли, бошқа клубга ўтиши мумкин.
Олдинроқ "Барселона" Пьяничга режа қилинмаётгани ва уни сотиш имкониятини қидираётгани хабар қилинганди.
Мураббийлар штаби бошланғич таркибда майдонга тушиши кутилаётган Франк Кессиэ "Барселона" сафига қўшилганидан сўнг, Пьяничнинг келажаги янада мураккаблашди.
Эслатиб ўтамиз, Пьянич аввалги мавсумни Туркияда ўтказганди. У "Бешиктош"да ижара асосида ўйнаган. 2021/2022 йилги мавсумда 32 ёшли босниялик футболчи Туркия чемпионатининг 20та учрашувида қатнашиб, иккита голли узатмани амалга оширган. Пьянич Босния ва Герцеговина терма жамоасига ҳам чақирилган.
