"Бавария" бош директори Оливер Кан "Ювентус" ҳимоячиси Маттейс де Лигтнинг немис клубига ўтиши ҳақида фикр билдирди.
“Маттейс де Лигт нафақат ўйин сифатлари, балки барча жамоаларида етакчи рол ўйнаган шахс сифатида ҳам ҳайратда қолдиради. У ёшлигидан масъулиятни ўз зиммасига олишни ўрганган.
Кучли жамоага кучли ҳужумдан кўпроқ нарса керак. Ушбу трансфер туфайли биз ҳимоямизни мутлақ юқори даражага кўтардик", - дея Кан сўзларидан иқтибос келтиради "Бавария" сайти.
Немис нашрларининг ёзишича, мюнхенликлар 22 ёшли марказий ҳимоячи учун 70 миллион евро тўлаган. Яна 10 миллион "Ювентус" турли бонуслар кўринишида олиши мумкин.
