"Арсенал" "Лестер" ярим ҳимоячиси Юри Тилемансни сотиб олмоқчи. Журналист Жон Персининг сўзларига кўра, "канонирлар" бош мураббийи Микель Артета бельгиялик билан келишувни имкон қадар тезроқ якунлаш учун раҳбариятга босим ўтказмоқда.
Қайд этилишича, “Лестер” билан шартномаси тугашига бир йил қолган Тилемансни 40 миллион евро эвазига сотиб олиш мумкин, аммо “Арсенал” ҳали бундай суммани тўлашга тайёр эмас.
"Арсенал" аллақачон учта футболчини ўз сафига қўшиб олди: "Манчестер Сити"дан Габриэль Жезус, "Сан-Паулу"дан Маркиньос ва "Порту"дан Фабио Вийера. Клуб “Манчестер Сити”нинг яна бир футболчиси Александр Зинченкони ҳам трансфер қилишга яқин турибди.
