"Бавария" спорт директори Хасан Салиҳамиджич Мюнхен клуби Давид Алабани "Реал"га қўйиб юбориш орқали хатога йўл қўйганини айтди.
“Биз унга катта пул таклиф қилдик. Давиднинг агентлари билан учрашув бўлиб ўтди ва биз унга ультиматум қўйдик. Биз уларга Давид қарор қабул қилиши кераклигини айтдик” - деди Салиҳамиджич Die Zeit нашрига.
Ҳозир Салиҳамиджич бошқача ёндашув зарур эди, деб ҳисоблайди.
“Орқага назар ташлаб, бу керак эмаслигини айтган бўлардим. Давид даражасидаги футболчига қарор қабул қилиш учун вақт бериш тўғри бўларди", - дея қўшимча қилди Мюнхен клуби вакили.
Алаба ўтган мавсумда Ла Лигада 30 та ўйинда майдонга тушиб, 2 та гол урди ва 3 та голга ассистентлик қилди. "Реал" билан биргаликда Алаба Испания чемпиони бўлди, шунингдек, Чемпионлар лигасида ғолиб чиқди.
