"Bavariya" sport direktori Xasan Salihamidjich Myunxen klubi David Alabani "Real"ga qo‘yib yuborish orqali xatoga yo‘l qo‘yganini aytdi.

“Biz unga katta pul taklif qildik. Davidning agentlari bilan uchrashuv bo‘lib o‘tdi va biz unga ultimatum qo‘ydik. Biz ularga David qaror qabul qilishi kerakligini aytdik” - dedi Salihamidjich Die Zeit nashriga.

Hozir Salihamidjich boshqacha yondashuv zarur edi, deb hisoblaydi.

“Orqaga nazar tashlab, bu kerak emasligini aytgan bo‘lardim. David darajasidagi futbolchiga qaror qabul qilish uchun vaqt berish to‘g‘ri bo‘lardi", - deya qo‘shimcha qildi Myunxen klubi vakili.

Alaba o‘tgan mavsumda La Ligada 30 ta o‘yinda maydonga tushib, 2 ta gol urdi va 3 ta golga assistentlik qildi. "Real" bilan birgalikda Alaba Ispaniya chempioni bo‘ldi, shuningdek, Chempionlar ligasida g‘olib chiqdi.