Мадриднинг “Реал” клубига “Интер” ҳужумчиси Эдин Жекони сотиб олиш таклиф қилинди.
Мадрид клуби Марко Асенсио ва Борха Майорал жамоани тарк этса, уларнинг ўрнига янги ҳужумчи қидиришда давом этмоқда. “Реал” бу позицияни кучайтириш учун ишончли ва арзон вариант қидирмоқда.
El Larugero журналисти Антон Меананинг сўзларига кўра, "Реал"га Жекони сотиб олиш таклиф қилинган. Бироқ Мадрид клуби ҳужумчининг ёши туфайли имкониятни рад этди - март ойида босниялик 36 ёшга тўлди.
Ўтган мавсумда ҳужумчи "Интер" сафида барча турнирларда 48 та ўйинда майдонга тушиб, 17 та гол урди ва 7 та голли узатмани амалга оширди.
