Лондоннинг "Тоттенҳем" клуби бош мураббийи Ҳарри Реднапп айтишича, агар унга Англия терма жамоасини бошқаришни таклиф қилганларида "йўқ" демаган бўлар экан.
Эслатиб ўтамиз, Фабио Капеллонинг можароли истеъфосидан сўнг унинг ўрнига Реднапп асосий номзод эди, бироқ Англия футбол ассоциацияси Рой Хожсон номзодини маъқул кўрган эди.
"Мен таклифни қабул қилган бўлар эдим. Рад қилиш қийин бўлар эди, аммо менга ҳеч ким таклиф билдирмади. Мен клуб футболини севаман. Терма жамоага мурббий аниқ бўлгач, ўзимни енгил сездим. Рой учун бу яхш имконият", - дея тан олди Реднапп Англия матбуотига.
