Лондоннинг “Арсенал” клубининг янги футболчиси Александр Зинченко майдондаги севимли позицияси ҳақида гапирди.
35 миллион евро эвазига «Манчестер Сити»дан «Арсенал»га ўтган 25 ёшли футболчи кўп қиррали ярим ҳимоячи, аммо Хосеп Гвардиола бошчилигида у чап қанот ҳимоячиси сифатида қайта кашф қилинди. Лондонга кўчиб ўтгандан сўнг, футболчи таништирув интервьюсида қайси позиция ўзига қулайроқ эканини айтди:
«Мураббий мени қаерда кўрса, ўша ерда ўйнайман. Бу оддий жавоб, лекин бу ҳақиқат. Агар бир кун мураббий мендан дарвозада туришимни сўраса ҳам, мен буни бажараман», - дейди Зинченко «Арсенал» расмий сайтига.
